தீவிரவாதத்தை முறியடிக்க இந்தியாவுக்கு கனடா பயிற்சி

தீவிரவாதத்தை பாதுகாப்பு படையினர் எங்ஙனம் எதிர்த்து போராடி முறியடிப்பது என்பது குறித்த பயிற்சியை இந்தியாவுக்கு அளிக்க கனடா முன்வந்துள்ளது.

எல்லை தாண்டிய பயங்கரவாத அச்சுறுத்தலை எதிர்கொண்டுள்ள இந்தியாவுக்கு, பயங்கரவாத தாக்குதலை தடுப்பது மற்றும் அதனை எங்ங்கனம் விரைந்தும், உறுதியாகவும் எதிர்த்து போராடுவது என்பது குறித்து இந்தியாவிலுள்ள பாதுகாப்பு படையினருக்கு கனடா பயிற்சி அளிக்க முடியும் என்று கனடா காவல் துறை வாரியத் தலைவர் அலோக் முகர்ஜி தெரிவித்துள்ளார்.

புலனாய்வை கூர் தீட்டியே கனடாவில் இந்தியாவுக்கு எதிரான இயக்கங்களின் நடவடிக்கைகளை கனடா காவல் துறையினர் வெற்றிகரமாக முறியடித்ததாகவும் அவர் மேலும் கூறினார்.

டொரன்டோ நகர காவல் துறை தலைவர் பில் பிளேருடன் முகர்ஜி அடுத்த வாரம் இந்தியாவுக்கு பயணம் மேற்கொள்ள உள்ளது குறிப்பிடத்தக்கது.